ԱՄՆ-ը նախատեսում է հութիներին ահաբեկիչներ հռչակել

ԱՄՆ պետքարտուղար Մայք Պոմպեոն հայտարարել է «Անսար Ալլահ» հութիական շարժումը օտարերկրյա ահաբեկչական կազմակերպությունների շարքում ընդգրկելու մտադրության մասին: Այս ցուցակում ներառումը նշանակում է ակտիվների սառեցում Միացյալ Նահանգներում և արգելք ամերիկյան քաղաքացիների կամ ընկերությունների նկատմամբ՝ շարժումում ներգրավված անձանց հետ բիզնես վարելու համար: Շարժման ղեկավարությունն ընդգրկվելու է ահաբեկիչների ցուցակում:

«Պետդեպարտամենտը կտեղեկացնի Կոնգրեսին իմ՝ «Անսար Ալլահ» շարժումը, որը երբեմն կոչվում է հութիներ, օտարերկրյա ահաբեկչական կազմակերպությունների ցուցակում ներառելու մտադրության մասին»,- ասվում է Պոմպեոյի՝ պետդեպարտամենտի կայքում տեղադրված հայտարարության մեջ։

Ահաբեկիչների ցուցակում կներառվեն նաև հութի երեք առաջնորդներ՝ Աբդուլա Մալիք ալ Հութին, Աբդ ալ Հալիք Բադր ադ Դին ալ Հութին և Աբդուլլա Յահյա ալ Հաքիմը։