Թուրքիան նախատեսում է զինյալ-ահաբեկիչներ տեղափոխել Իրաք

Լիբիայից և Լեռնային Ղարաբաղից հետո Թուրքիան նախատեսում է «Ան Նուսրա»-ի ու ԴԱԻՇ-ի զինյալներին տեղափոխել Իրաքի հարավում գտնվող Հաֆթանինի շրջան:

Ստացված տեղեկատվության համաձայն՝ Թուրքիան նախատեսում է տեղափոխել «Ալ Նուսրա» և «Թուրքեստան» իսլամական խմբավորումների զինյալներին (բաղկացած ույղուր, չեչեն, ուզբեկ, տաջիկ և այլ միջինասիական զինյալներից), որոնց թուրքական պետությունն օգտագործում էր Իդլիբում, Ջարաբլուսում, Ալ Բաբում և Հյուսիսային ու Արևելյան Սիրիայում, տեղափոխել Հաֆթանինի շրջան և օգտագործել Հարավային Քուրդիստան (Իրաքի հյուսիս) ներխուժման ժամանակ. հայտնում է Fırat գործակալությունը։

Հավաստի աղբյուրներից ստացված տեղեկատվության համաձայն՝ Թուրքիան, որը ծրագրում է Բաշուրի սահմանային շրջանները գրավել 8-ից 14 կմ խորության վրա և անընդհատ վերահսկողության տակ պահել նրանց «անվտանգ գոտի» անվան տակ, փորձում է սիրիացի զինյալների խմբեր տեղակայել այդ տարածքներում:

Նշվում է, որ Թուրքիան մտադիր է հավատարիմ զինյալ խմբավորումներ տեղակայել Հաֆթանինի տարածքում, եթե ավարտվի Ռուսաստան-Թուրքիա Իդլիբի համաձայնագիրը:

Նշվում է նաև, որ Թուրքիան նախատեսում է զինյալներ տեղակայել Հարավային Քուրդիստանում, եթե միջազգային հանրությունը դեմ լինի Հարավային Քուրդիստանում թուրքական ուժերի ներկայությանը:

Աղբյուրը լրացուցիչ տեղեկություններ է տրամադրել Հարավային Քուրդիստանի և Իրաքի վերաբերյալ թուրքական պետության ծրագրերի մասին: Նշվել է, որ ծրագիրը չի սահմանափակվում Հաֆթանինով, այլ ներառում է այլ տարածքներ, ինչպիսիք են Քիրքուքը, Շենգալը, Համրինը, Խավիջան և Դիալան:

Ստացված տեղեկատվության համաձայն՝ Թուրքիան ձգտում է այդ տարածքներում ստեղծել զուգակցված զինված ավազակային կազմավորումներ՝ «Թուրքմենական մոբիլիզացիայի ուժեր» անվան տակ: