Թուրքիան և Ուկրաինան ստորագրել են համատեղ ԱԹՍ–ներ և ռազմանավեր ստեղծելու համաձայնագիր

Մոտ ապագայում կյանքի կկոչվի անօդաչու թռչող սարքերի՝ ուկրաինա-թուրքական համատեղ արտադրությունը. հայտնում է թուրքական Haberler.com կայքը:

Հաղորդվում է, որ համաձայնությունը ձեռք է բերվել Անկարայից պաշտոնական պատվիրակության՝ Ուկրաինա կատարած այցի ընթացքում՝ պաշտպանական արդյունաբերության վարչության պետ Իսմայիլ Դեմիրի գլխավորությամբ:

Բացի ԱԹՍ–ներից, Դեմիրի և Ուկրաինայի ՊՆ ղեկավար Անդրեյ Տարանի միջև կնքված համաձայնագրով՝ նախատեսվում է նաև համատեղ ստեղծել ռազմանավեր։

«Այսպիսով՝ «Բայրաքթար»-ի վրա հույսը հետզհետե դառնում է ուկրաինական ողջ քաղաքականության առանցքային տարրը: Այլ հարց է, թե ինչ կարողություններով է Կիևը նախատեսում տեղակայել արտադրությունը և քանի անօդաչու սարք կհասնի ռազմաճակատ՝ հաշվի առնելով իշխանության բոլոր օղակներում ֆանտաստիկ կոռուպցիան», – գրում է ռուս լրագրող Յուրի Կոտենոկը։