Փոխարժեքներ
18 01 2025
|
||
---|---|---|
USD | ⚊ | $ 398.94 |
EUR | ⚊ | € 410.95 |
RUB | ⚊ | ₽ 3.8929 |
GBP | ⚊ | £ 486.63 |
GEL | ⚊ | ₾ 140.52 |
ՄԱԿ-ում Իրանի Իսլամական Հանրապետության դեսպան և մշտական ներկայացուցիչ Մաջիդ Թախտ Ռավանչին ԱՄՆ-ին և Իսրայելին մեղադրել է իրանցի գիտնական Մոհսեն Ֆախրիզադեի սպանության մեջ: Այս մասին հայտնում է իրանական IRNA գործակալությունը:
«Ես գրում եմ, որպեսզի հաղորդեմ ձեզ, որ ավելի վաղ՝ նոյեմբերի 27-ին, Թեհրանի նահանգի Աբսարդ քաղաքում ահաբեկչական գործողության արդյունքում սպանվել է իրանցի գիտնական Մոհսեն Ֆահրիզադեն»,– նշել է Ռավանչին։
Իրանի ներկայացուցիչը ՄԱԿ-ի գլխավոր քարտուղար Անտոնիո Գուտերեշին և ՄԱԿ-ի Անվտանգության խորհրդի նախագահ Ինգե Ռոնդա Քինգին ուղղված իր նամակում շեշտում է. «Ֆախրիզադեի վախկոտ սպանությունը՝ իսրայելական ներգրավվածության ակնհայտ նշաններով, մեր տարածաշրջանում ավերածություններ կատարելու և Իրանի գիտատեխնիկական զարգացումը խաթարելու հերթական հուսահատ փորձն է»:
Ֆախրիզադեի վերջին վաստակներից մեկը նրա ակնառու դերակատարումն է Իրանի առաջին COVID-19 փորձարկման թեստ-հավաքածուն մշակելու գործում, որը մեծ ներդրում է COVID-19 համաճարակը զսպելու՝ ազգային ջանքերում՝ այն ժամանակ, երբ Իրանը գտնվում է Միացյալ Նահանգների պատժամիջոցների տակ: