Ադրբեջանը խնդրել է ՌԴ ՊՆ-ին՝ իրենց միջանցք տրամադրել Շուշիում

Ըստ wargonzo-ի՝ Ռուսաստանի Դաշնության պաշտպանության նախարարության աղբյուրների` ադրբեջանական կողմը փաստացի չի վերահսկում ոչ մի մուտք դեպի Շուշի:

«Այսինքն՝ այժմ  չեք կարող ավտոբուս նստել Բաքվում և հասնել Շուշի: Միակ հնարավոր երթուղին հատուկ ծառայությունն է: Հադրութից՝ նույն «դժոխային կիրճով»: Բայց այնտեղ նույնիսկ գրունտային ճանապարհ չկա, բացառությամբ թրթուռային տեխնիկայի երթուղու, որով այժմ Ադրբեջանի զինված ուժերը մտնում են Շուշի: Ահա թե ինչու քաղաքից դեռևս չկա մեկ քաղաքացիական ռեպորտաժ։ Այնտեղ հասնելու միջոց չկա:

Ադրբեջանն, իհարկե, նորմալ ճանապարհ կկառուցի «դժոխային կիրճով»: Որոշ ժամանակ անց: Բայց առայժմ քաղաքի  «վերահսկողությունը» անվանական է:

Ինչքանով տեղյակ է @wargonzo նախագիծը,  ՌԴ ՊՆ-ն չի նախատեսում ադրբեջանական կողմին տրամադրել պայմանագրով չնախատեսված լրացուցիչ տրանսպորտային միջանցքներ»,– գրում է նախագիծը։