Մանե Գևորգյանը ստում է․ Իվետա Տոնոյան

Շուրջ մեկ ժամ ԼՀԿ և ԲՀԿ պատգամավորները ԱԱԾ-ում սպասում էին, որպեսզի իրենց մոտենա պատասխանատու ինչ-որ մեկը, տեղեկություններ հայտնի այսօր բերման ենթարկված անձանց պատժամիջոցների վերաբերյալ, մեկ ժամ սպասելուց հետո մեզ ասացին՝ նման հանդիպում չի կայանալու։ Այս մասին հայտարարեց ԲՀԿ պատգամավոր Իվետա Տոնոյանը ԱԱԾ-ի մոտ լրագրողների հետ զրույցում՝ տեղի ունեցածը որակելով խայտառակություն։

Ըստ Տոնոյանի՝ հայտնել են, որ այդ անձը ԱԱԾ նորանշանակ պետն է, ով այս պահին գտնվում է հիվանդանոցում։

Իվետա Տոնոյանը անդրադարձավ նաև Նիկոլ Փաշինյանի մամուլի խոսնակի հայտարարությանը, թե ընդդիմադիրները ամբողջ ծավալով տեղյակ են եղել բանակցային գործընթացից և առաջնագծի իրավիճակից, Մանե Գևորգյանի հայտարարությունը Տոնոյանը սուտ որակեց։

Արման Աբովյանն էլ հավելեց՝ իրենց բոլոր գործողությունները լինելու են օրենսդրական և իրավական դաշտում։

Փաստաբան Տիգրան Աթանեսյանի խոսքով՝ ՀՀ վարչապետն իրականացնում է քաղաքական հետապնդում, ընդդիմադիր գործիչները ձերբակալվել են մի հոդվածով, որով նախատեսվում է մինչև 2 ամիս կալանավորում։