ԱՄՆ հինգ նահանգներ օրինականացրել են մարիխուանայի օգտագործումը

Եւս հինգ նահանգներ օրինականացրել են մեծահասակների կողմից մարիխուանայի օգտագործումը, իսկ Օրեգոնա նահանգում ընտրողները այն դարձրել են առաջին նահանգը, որը չեղարկել է փոքր քանակությամբ փողոցային թմրանյութերի, ինչպիսիք են կոկաինը, հերոինը եւ մետամֆետամինը, պահպանման համար քրեական պատասխանատվությունը, հաղորդում է «Ամերիկայի ձայնը»:

Թմրամիջոցների հետ կապված հարցերը ներառվել են 32 նահանգներում առաջարկված 120 նահանգային օրենքների եւ սահմանադրական փոփոխությունների քվեաթերթիկներում:

Օրեգոնայի աջակցությամբ նախաձեռնությունը թույլ կտա փոքր քանակությամբ ծանր թմրանյութերի պատճառով ձերբակալված մարդկանց խուսափել դատավարությունից եւ հնարավոր բանտարկությունից, եթե նրանք 100 դոլար տուգանք վճարեն եւ կախվածությունից ազատվելու կուրս անցնեն:

Առաջարկությանը աջակցել են Օրեգոնայի Դեմոկրատական կուսակցությունը եւ որոշ բժշկական ու բուժքույրական ասոցիացիաներ:

Նյու Ջերսիի եւ Արիզոնայի ընտրողները հաստատել են 21 տարեկանից բարձր մարդկանց համար մարիխուանայի օրինականացման միջոցառումները: Հարավային Դակոտան դարձել է առաջին նահանգը, որի ընտրողները հաստատել են մարիխուանայի օգտագործումը ինչպես հանգստի, այնպես էլ բժշկական նպատակներով:

Մոնտանայի ընտրողները հավանություն են տվել ժամանցային մարիխուանայի, իսկ Միսիսիպին՝ բժշկական մարիխուանայի օրինականացմանը: