Հայաստանի պետական ֆիլհարմոնիան նոր տնօրեն ունի

«Հայ ֆեստ» թատերական և «Ջազ ֆեստ» երաժշտական միջազգային փառատոների տեխնիկական տնօրեն Արտյոմ Նաղդյանը նշանակվել է Հայաստանի պետական ֆիլհարմոնիայի տնօրենի ժամանակավոր պաշտոնակատար:

«Նաղդյանը մեր լավագույն կառավարիչներից է, ահռելի փորձառություն ունեցող անձնավորություն է, որովհետև մի շարք միջազգային նախագծերի հանգույցում է կանգնած եղել և շարունակում է լինել: Նա ժամանակակից հայացքների տեր, երիտասարդ և արտակարգ սրամիտ անձնավորություն է»,- այսօր լրագրողներին ասաց ՀՀ ԿԳՄՍ փոխնախարար Արա Խզմալյանը։

Ըստ նրա՝ շուտով լսելու ենք պետական ֆիլհարմոնիայի նոր կոնցեպտի, նոր ուղու, նոր հրամայականի մասին: «Չափազանց կարևոր է, որ իմանանք, թե յուրաքանչյուր կառույց ինչ առաքելություն  ունի մեր մշակութային իրականությունում»,- նշեց փոխնախարարը: