«Գագիկ Ծառուկյան» բարեգործական հիմնադրամը նոր տնօրեն ունի

Գագիկ Ծառուկյանի հրամանով` Իվետա Տոնոյանը նշանակվել է «Գագիկ Ծառուկյան» բարեգործական հիմնադրամի տնօրեն:

 Այս մասին Yerkir.am-ին հայտնեց ինքը` Իվետա Տոնոյանը` հավելելով, որ լրանում է հիմնադրամի գործունեության 15 տարին: Նա նշեց նաև, որ այժմ էլ Գագիկ Ծառուկյանի մամուլի խոսնակն է, ինչպես նաև` «Էպիկենտրոն» լրատվականի տնօրենը: Հիշեցնենք, որ մինչ այս հիմնադրամի տնօրենն էր ԲՀԿ խմբակցության պատգամավոր Վահե Հովհաննիսյանը, ով իր քաղաքական գործունեությունը պասիվացրեց ԲՀԿ-ի և կուսակցության նախկին առաջնորդ Գագիկ Ծառուկյանի հետ տեղի ունեցած` փետրվարյան քաղաքական զարգացումներից հետո: Տեղեկացնենք նաև, որ, մամուլում տեղ գտած որոշ հրապարակումների համաձայն, Վահե Հովհաննիսյանն առաջիկայում որևէ նշանակալի պաշտոն կստանա ՀՀ երկրորդ նախագահ Ռոբերտ Քոչարյանի գրասենյակում: