Երգի պետական թատրոնը նոր տնօրեն ունի

Երգի պետական թատրոնը նոր տնօրեն ունի. այս մասին իր ֆեյսբուքյան էջում գրառում է կատարել հենց ինքը՝ նոր տնօրեն Արմեն Սարգսյանը. հայտնում է Yerkir.am-ը:

Նա, մասնավորապես, նշել է.

«Այսօր մասնակցեցի Հայաստանի երգի պետական թատրոնի տնօրենի թափուր պաշտոնի համար հայտարարված մրցույթին եւ ճանաչվեցի հաղթող: Պատասխանատվությունը մեծ է, անելիքները` շատ: Անելու եմ ամեն ինչ, որպեսզի թատրոնում լինի առողջ ստեղծագործական եւ աշխատանքային մթնոլորտ: Շնորհակալ եմ բոլոր նրանց, ովքեր մտքերով ինձ հետ էին ու անհանգստանում էին, շնորհակալ եմ նաեւ նրանց, ովքեր դեռ շնորհավորելու են )))

Բոլորիս ուրախ եւ լավ օր եմ մաղթում»:

Հիշեցնենք՝ դեռևս 2019-ի ապրիլից «Իմ քայլը» խմբակցության անդամը թատրոնի տնօրենի ժամանակավոր պաշտոնակատարն էր: