|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Վաշինգտոնն ու Պեկինը մոտ են առեւտրային համաձայնագրի «առաջին փուլի» կնքմանը: Այս մասին հայտարարել է ԱՄՆ նախագահ Դոնալդ Թրամփը:
Ավելի վաղ Չինաստանի ղեկավար Սի Ցզինփինը հայտարարել է, որ Չինաստանը ցանկանում է գործարք կնքել, սակայն «չի վախենում» անհրաժեշտության դեպքում պայքարել:
«Մենք ունենք գործարք, մենք դրան մոտ ենք: Չինաստանն ինձնից շատ է ցանկանում գործարք կնքել: Ես չեմ ցանկանում գործարք կնքել»,- ասել է Թրամփը Fox News-ի հետ զրույցում:
Թրամփը հավելել է, որ չինական ներմուծման համար սակագների սահմանումից ստացված եկամուտներն անսպասելի էին Միացյալ Նահանգների համար:
Հիշեցնենք, որ Չինաստանը կոչ է արել չեղարկել սակագները, սակայն ԱՄՆ-ի իշխանությունները հայտարարում են, որ դրանց փոխարեն կարող են քննարկել մաքսատուրքերի բարձրացման նոր փուլի հետաձգման հնարավորությունը, որը պետք է ուժի մեջ մտնի դեկտեմբերի 15-ին: