Օբամայի ստացած Նոբելյան մրցանակն «անարժան» է. Թրամփ

ԱՄՆ նախագահ Դոնալդ Թրամփն անդրադարձել է պետության նախկին ղեկավարի ստացած Խաղաղության Նոբելյան մրցանակին. հայտնում է ՌԻԱ «Նովոստի»-ն:

Ըստ Թրամփի՝ մրցանակը ստացվել է «անարժան կերպով և ոչ մի բանի համար»։

Միևնույն ժամանակ, Սպիտակ տան ղեկավարը հիշեցրել է, որ իր նախորդը Նոբելյան մրցանակ է ստացել նախագահի լիազորությունները ստանձնելուց կարճ ժամանակ հետո։ Նա նշել է նաև, որ վերջին ժամանակներս ինքը 2 անգամ առաջադրվել է այդ մրցանակին։ Քաղաքական գործիչը հաստատում է, որ իր ջանքերով են կարգավորվել Սերբիայի և Կոսովոյի հակամարտությունը, ինչպես նաև արաբա-իսրայելական հարցը։

Նա նաև մեղադրել է «կեղծ ԶԼՄ-ներին» այդ մասին չհայտնելու մեջ։