ԵՄ-ն Վրաստանին ներառել է սահմաններ բացելու համար անվտանգ երկրների շարքում

Եվրամիությունը թարմացրել է այն երկրների ցանկը, որոնց միջոցով եվրոպական պետություններին առաջարկվում է բացել արտաքին սահմանները. Վրաստանը պահպանել է անվտանգ պետության կարգավիճակը համաճարակաբանական իրավիճակի առումով: Այս մասին նշվում է ԵՄ Խորհրդի հայտարարության մեջ։

Նոր ցուցակը կրճատվել է մինչև 12 երկիր. Ալժիրը հանվել է ցուցակից: ԵՄ-ն առաջարկում է, որ երկրները հուլիսի 31-ից աստիճանաբար բացեն իրենց սահմանները Ավստրալիայի, Կանադայի, Վրաստանի, Ճապոնիայի, Մարոկկոյի, Նոր Զելանդիայի, Ռուանդայի, Հարավային Կորեայի, Թաիլանդի, Թունիսի և Ուրուգվայի քաղաքացիների համար:

ԵՄ երկրներին խորհուրդ է տրվում բացել սահմանները փոխադարձ հիմունքներով Չինաստանի քաղաքացիների համար, այն բանից հետո, երբ Պեկինը նման որոշում կայացնի եվրոպացիների հետ կապված:

Խորհուրդը հիշեցնում է, որ երրորդ երկրների վերաբերյալ որոշում կայացնելու համար պետք է հաշվի առնել համաճարակային, տնտեսական և սոցիալական իրավիճակները։

«Այս ցուցակը կշարունակվի պարբերաբար վերանայվել և, կախված հանգամանքներից, կթարմացվի», - ասված է ԵՄ Խորհրդի հայտարարության մեջ:

ԵՄ-ն սկսել է բացել իր ներքին սահմանները հունիսի 15-ից: