Հայտնի ռուս փորձագետը պատմել է Բաքվի կողմից ռուսական ԶԼՄ-ի միջոցով իրեն «գնելու» փորձի մասին

Գլոբալիզացիայի հիմնախնդիրների ինստիտուտի գիտական ղեկավար Միխայիլ Դելյագինը սկանդալային գրառում է կատարել իր Telegram-ի ալիքում՝ մեղադրելով ռուսաստանյան ԶԼՄ-ներից մեկին այն բանի համար, որ նրանք փորձել էին կաշառել իրեն՝ մեղադրելով Հայաստանին Ադրբեջանի դեմ ագրեսիայի մեջ:

«Ռուսական ԶԼՄ-ն, որի հետ ես արդեն մեկուկես տարի չեմ շփվել (իրենց հիմար մակարդակի պատճառով), կանչում և առաջարկում է «այն փողի համար, որը Դուք կառաջարկեք », նրանց մեկնաբանություն տամ, որ Հայաստանը սանձազերծել է հակամարտություն Ադրբեջանի դեմ՝ թիրախավորելով Բաքվի նավթաարդյունաբերությունը:

Իմ քաղաքավարի հարցին, թե ինչու Հայաստանը, և Ադրբեջանի տարածքում որտե՞ղ է գտնվում հակամարտության գոտում գտնվող նավթային արդյունահանումը (զարմանում եմ՝ ես մի տեսակ գիտեի աշխարհագրություն),  մոսկովյան լրատվամիջոցի տնտեսական բաժնի խմբագիրը պատասխանում է. «դե, ուղղակի Բաքվի դիրքորոշումն է այդպիսին»:

Եթե վաղը Բաքվի դիրքորոշումը հանկարծակի եզրակացնի, որ հայերի ցեղասպանությունը իրականացվել է ռուսների կողմից, մոսկովյան ԶԼՄ-ները փողի դիմաց ուրախությամբ հավաքելու են հաստատող մեկնաբանություններ:

Ժամանակը չէ՞ մաքրելու լրատվամիջոցները:

Եվ, իհարկե, կտեսնենք, որ լրագրողներից և էքսպերտներից ովքեր են փողեր վերցրել», - գրել է Դելյագինը: