Իրանի քնած առյուծը մռնչալու է. փորձագետը՝ «Ենի Մուսավաթին»՝ Բաքվի մշակութային գողության առթիվ

Իրանական Ազերիհա տելեգրամյան ալիքը գրում է.

«Բաքվի Հանրապետությունը ցուցահանդես է կազմակերպել Նիդեռլանդների Հաագայի քաղաքապետարանում, և իրանական գորգերը, այդ թվում՝ Թավրիզ և Արդաբիլ քաղաքներում գործված գորգերը, ներկայացրել է որպես երկրի 30-ամյա ժառանգություն, որը իրանական սոցցանցերում լայնածավալ բողոքի ալիք է առաջացրել։

Բայց համալսարանի դասախոս և կովկասի հարցերով ավագ փորձագետ, դոկտոր Էհսան Մովահեդյանի բացահայտումները Ալիևի վարչակարգի մշակութային գողությունների և Թավրիզի ու Արդաբիլի գորգերը Նիդեռլանդներում որպես Բաքվի մշակույթի ժառանգություն  ներկայացնելու մասին՝ թանկ են արժանացել «Ենի Մուսավաթ»-ի համար. «Երբվանի՞ց են Թավրիզ և Արդաբիլ քաղաքները իրանական քաղաքներ  եղել, որ այդ գորգերը պատկանեն Իրանին։ Մի՞թե Արաքսի երկու կողմերը մի ազգ ու մեկ ժողովուրդ չեն»,- գրել է «Ենի Մուսավաթը»: 

«Ենի Մուսավաթը», շարունակելով հայհոյանքներով և վիրավորանքներով լի իր հոդվածը, Մովահեդյանին ներկայացնում է որպես «հակաթուրք սրիկա և հայախոս իրանցի»։ Ընդգծելով իրանական գորգերի պատկանելությունը Բաքվի Հանրապետությանը և հայկական ագրեսիան Կովկասում՝ «Ենի Մուսավաթը» գրում է. «Հայերը Շուշիի Գոհար Աղա մզկիթը վերանորոգել էին իրանական օրիգինալ ոճով, և երբ Բաքուն ազատագրեց Ղարաբաղը, նորից  վերանորոգվեց  ադրբեջանական ոճով, որպեսզի Իրանը չկարողանա ջնջել ադրբեջանական հետքը»:

Հոդվածը շարունակվում է մեծ անամոթությամբ՝ շեշտելով, որ Երևանի Կապույտ մզկիթը պատկանում է Բաքվին և պնդելով, որ մզկիթի ճակատը փոխվել է ի շահ Իրանի, և, որ անհեթեթություն խոսելու փոխարեն Մուվահեդյանը պետք է սովորի իրական պատմությունը»։

Դոկտոր Մովահեդյանն ի պատասխան գրել է.

 «Ի դեպ, սա նաև մեր կարծիքն է որ Արաքսի երկու կողմերը մեկ ազգ և ժողովուրդ են: Բայց այն, ինչ բաժանվել է, պետք է վերադառնա իր սկզբնական վիճակին:

Իմացեք, որ Իրանի քնած առյուծը ժամանակին մռնչալու է, և հիմնարար խնդիրն այն է, որ Իրանում և աշխարհում մեծամասնությունը ձեր՝ մշակույթի, ինքնության և քաղաքակրթության կեղծարարներին, չի հավատում և մարդու տեղ չի դնում, որը ձեզ պատասխան տա»: