ԵՄ-ն Սերբիան և Չեռնոգորիան բացառել է մուտքի համար անվտանգ երկրների ցանկից

ԵՄ-ն թարմացրել է անվտանգ երկրների ցանկը, որոնց քաղաքացիները կարող են մուտք գործել միության տարածք կորոնավիրուսային համավարակի պայմաններում, դրանից բացառելով Սերբիան և Չեռնոգորիան. հայտնում է ՏԱՍՍ-ը՝ դիվանագիտական աղբյուրին հղումով:

Գործակալության զրուցակիցը, մասնավորապես, նշել է.  «ԵՄ երկրները համաձայնության են եկել համաճարակաբանական իրավիճակի վատթարացման հետ կապված Սերբիային և Չեռնոգորիային ցանկից բացառելու հարցում», ու հավելել՝ որոշման մասին պաշտոնական հայտարարությունը կհրապարակվի մինչև օրվա վերջ։

Հիշեցնենք՝ հուլիսի 1-ից Եվրամիությունը սահմանները բացել էր 15 պետությունների քաղաքացիների համար համար։ Այդ երկրներն են՝ Ալժիրը, Ավստրալիան, Կանադան, Վրաստանը, Ճապոնիան, Չեռնոգորիան, Մարոկկոն, Նոր Զելանդիան, Ռուանդան, Սերբիան, Հարավային Կորեան, Թաիլանդը, Թունիսը և Ուրուգվայը: