Չեռնոգորիան ներողություն է պահանջում «Եվրատեսիլ»-ից

Արդեն հայտնել ենք, որ «Եվրատեսիլ» երգի միջազգային մրցույթը չեղարկել է երկու երկրների՝ Չեռնոգորիայի և Մակեդոնիայի ձայները: Պատճառը հաշվարկի կանոնների խախտումն է. երկու երկրները ներկայացրել են միայն երկրի բնակիչների քվեարկության արդյունքները՝ չավելացնելով ժյուրիի ձայները: 

Չերնոգորիան, սակայն, հերքում է տեղեկությունը և ներողություն պահանջում «Եվրատեսիլ»-ի կազմակերպիչներից. հայտնում է РИА Новости-ն: Այդ մասին հայտարարել է Չեռնոգորիայի հեռուստառադիոընկերության գլխավոր տնօրեն Ռադե Վոյվոդիչը:

Նա նշել է, որ չի հասկանում` ով է ցանկանում այդպես ճնշել Չեռնոգորիային: Ըստ Վոյվոդիչի` Չեռնոգորիան չի ստացել բացատրություն, թե ինչու են չեղարկվել երկրի քվեարկության արդյունքները: