Սբ. Սոֆիայի վերաբերյալ որոշումը Թուրքիայի ներքին գործն է. Կրեմլ

Կրեմլը Հաջիա Սոֆիայի կարգավիճակի վերաբերյալ որոշումը համարում է Թուրքիայի ներքին գործը, բայց հուսով է, որ թուրքական իշխանությունները հաշվի կառնեն այդ սրբավայրի նշանակությունը. հայտարարել է ՌԴ Նախագահի խոսնակ Դմիտրի Պեսկովը. հայտնում է ՌԻԱ Նովոստին:

«Մենք չենք կարող մեկնաբանել, սա Թուրքիայի Հանրապետության ներքին գործն է: Դուք գիտեք, որ արդեն կար պատրիարքի հայտարարությունը, որն արտահայտում է Ռուսաստանի Ուղղափառ եկեղեցու կարծիքը, կա այդ գնահատականի վերաբերյալ Արտաքին գործերի փոխնախարար Վերշինինի հայտարարությունը: Ես միայն կարող եմ ասել, որ, իհարկե, մենք հույս ունենք, որ Սոֆիայի կարգավիճակը՝ որպես համաշխարհային ժառանգության մաս, հաշվի կառնվի», - լրագրողներին ասել է Պեսկովը: