ՅՈՒՆԵՍԿՕ-ն «խորը ափսոսանք» է հայտնել Կ.Պոլսում Սբ Սոֆիայի և Խորայի վանքի կարգավիճակը փոխելու` Թուրքիայի չարտոնված որոշման համար

ՄԱԿ-ի կրթության, գիտության և մշակույթի կազմակերպության (ՅՈՒՆԵՍԿՕ) կոմիտեն «խորը ափսոսանք» է հայտնել Սբ Սոֆիայի տաճարի և Խորայի վանքի կարգավիճակը փոխելու` Թուրքիայի մտադրությունների վերաբերյալ երկխոսության և տեղեկատվության բացակայության կապակցությամբ` չնայած Թուրքիային ուղղված բազմաթիվ պահանջներին՝ հետևել կազմակերպության ցուցումներին. հայտնում է հունական Ekathimerini հրատարակությունը:

Որոշումն ընդունվել է Համաշխարհային ժառանգության կոմիտեի 44-րդ նստաշրջանում:

ՅՈՒՆԵՍԿՕ-ն նաև արտահայտում է իր «լուրջ մտահոգությունը» երկու հուշարձանների համընդհանուր գործունեության վրա այս փոփոխությունների հետևանքների առնչությամբ և կոչ է անում Թուրքիային` հայտարարել իր մտադրությունների մասին ու երկխոսել նախքան որոշում կայացնելը այդ հուշարձանների վրա ազդող որևէ արմատական փոփոխության մասին:

Որոշումը կոչ է անում Թուրքիային` մինչև 2022 թվականի փետրվարի 1-ը Համաշխարհային ժառանգության կենտրոնին ներկայացնել երկու հուշարձանների պահպանության վերաբերյալ նորացված զեկույց՝ հաջորդ հանդիպմանը այս հարցը քննարկելու համար: