Ղարաբաղի վերաբերյալ եռակողմ պայմանագրերի դրույթների կատարումը այլընտրանք չունի. Կրեմլ

Ադրբեջանի հետ ղարաբաղյան խնդրով կապն անընդհատ իրականացվում է եռակողմ համաձայնագրերի իրագործման շրջանակներում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ պատասխանելով հարցին, թե նախատեսվո՞ւմ են  բանակցություններ ադրբեջանական կողմի հետ այն բանից հետո, երբ ՌԴ նախագահ Վլադիմիր Պուտինը Մոսկվայում հանդիպում է անցկացրել ՀՀ վարչապետի պաշտոնակատար Նիկոլ Փաշինյանի հետ:

«Ադրբեջանական կողմի հետ շփումները շարունակվում են: Բոլորը համաձայն են, որ եռակողմ պայմանագրերի դրույթների կատարումը շատ կարևոր է և այլընտրանք չունի: Եվ այս իրականացման շրջանակներում շփումներ են իրականացվում ինչպես հայկական կողմի, այնպես էլ ադրբեջանական կողմի հետ»,- Պեսկովի խոսքը մեջբերում է ՏԱՍՍ-ը: