Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Թուրքիայի աջակցությունը վայելող գրոհայինները սկսել են նոր «գործողություն»՝ Սիրիայի հյուսիս-արևմտյան Աֆրին քաղաքից հնագույն իրերը գողանալու նպատակով:
Սիրիական պաշտոնական SANA լրատվական գործակալությունը հայտնում է, որ վարձկանները սկսել են նոր պեղումներ՝ Հալեպի հյուսիսում ՝ Թուրքիայի սահմանի մոտակայքում գտնող Աֆրին քաղաքում մասունքների որոնման համար։
Ըստ տեղական աղբյուրների՝ Ահրար ալ-Շարքիայի ահաբեկիչները սկսել են պեղումներ Աֆրինի Քուրա գյուղից արևելք: Զինյալներն օգտագործում են թուրքական ուժերի կողմից տրամադրված ժամանակակից սարքավորումներ:
Հնագույն իրերի պեղումները և հափշտակությունները իրականացվում են համակարգված և վերահսկվում են թուրքական հետախուզության կողմից: Գողացված արտեֆակտները վաճառքի կհանվեն թուրքական հնաոճ իրեր վաճառողների կողմից:
Նշենք, որ Թուրքիան 2018 թ. «Ձիթենու ճյուղ» գործողության արդյունքում բռնազավթել է Աֆրինի շրջանը, որտեղ ինտենսիվորեն սկսել է թուրքացման քաղաքականությունը։