ՏԵՍԱՆՅՈՒԹ․ 3 ժամում Սահմանադրություն փոխելը լուրջ խնդիր է․ Էդմոն Մարուքյան

Այսօր ժամը 13։00-ին արտահերթ նիստ է հրավիրված, որի ժամանակ երկրի Մայր օրենքը պետք է փոփոխության ենթարկվի՝ ըստ Yerkir.am-ի ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։

«Իմ քայլը» խմբակցության այս մտադրության մասին նրանց հայտնել են այսօր առավոտյան՝ 9։30 տեղի ունեցած ԱԺ խորհրդի նիստում։

Ընդ որում, ասաց Մարուքյանը, 3-ժամյա ռեժիմ է սահմանած՝ առաջին ընթարցումն ընդունվում է, 3 ժամ առաջարկությունների համար, գնում է երկրորդ ընթերցում։

«Ամբողջ աշխարհում Սահմանադրություն փոխելը ամիսների աշխատանք է՝ քննարկումներ, դեբատներ, բանավեճեր, Հայաստանում դա գալիս է խորհրդարան, առավոտն 9։30 ԱԺ խորհրդի նիստում իմանում ես, որ այսօր Սահմանադրությունը պետք է փոխվի, գնում ես այդ նիստին ու փոխվում է Սահմանադրությունը»,-մտահոգություն հայտնեց Մարուքյանը։

Սա լուրջ խնդիր է թե՛ մեր միջազգային պարտավորությունների, թե՛ ժամանակին ասվածի ու քննարկվածի մասով՝ համոզված է ԼՀԿ խմբակցության ղեկավարը։ Նա նշեց, որ այս անգամ էլ նախագիծը ՍԴ չի ուղարկվելու։

Դեռևս ԱԺ-ում Հանրաքվեի որոշման քննարկման ժամանակ, «Լուսավոր Հայաստանը» դեմ է քվեարկել այս մտադրությանը։ Էդմոն Մարուքյանը չբացառեց, որ այս անգամ էլ նիստին ընդհանրապես չմասնակցեն․ «Մենք ասելիք չունենք արդեն»։

Հիշեցնենք, որ ԱԺ «Իմ քայլը» խմբակցությունը մտադիր է ԱԺ-ում ընդունել Սահմանդրության փոփոխության մի նախագիծ, որով կդադարեցնի ՍԴ գործող նախագահի ու այն անդաների լիազորությունները, որոնք 12 տարուց ավելի են պաշտոնավարել։

Մանրամասն՝ տեսանյութում․