Չինաստանի ԱԳՆ-ն մեկնաբանել է կորոնավիրուսի պատճառով երկրի դեմ ԱՄՆ դատական հայցերը

Չինաստանի ԱԳՆ ղեկավար Վան Ին կորոնավիրուսի պատճառով Պեկինի դեմ Վաշինգտոնի հայցերն անվանել է  անհիմն և միջազգային իրավունքները ոտնահարող. հայտնում է «ՌԻԱ Նովոստին»։

«Չինաստանի դեմ բողոք պարունակող այս գործերը զուրկ են փաստագրական հիմքից, չունեն իրավական հիմք, ոչ մի իրավաբանական ապացույց, միջազգային նախադեպեր, դա որակ չունեցող հարյուրտոկոսանոց ապրանք է», - հայտարարել է Ին։

Ըստ նրա՝ Չինաստանն այլ պետությունների պես տուժել է հանկարծակի համավարկից։

Հիշեցնենք, որ ավելի վաղ ԱՄՆ Միսսուրի նահանգը դատական հայց էր ներկայացրել Չինաստանի դեմ՝ մեղադրելով նրան համավարակի մեջ։ Նմանատիպ դատակահ հայց ներկայացնելու մտադրության մասին էր հայտարարել նաև Միսսիսիպի նահանգը։