Իսպանիայում գրանցվել է կորոնավիրուսից մահացության ամենացածր ցուցանիշը՝ մարտի կեսերից ի վեր

Մայիսի 10-ին Իսպանիայում գրանցվել է կորոնավիրուսից մահացության ամենացածր ցուցանիշը՝ մարտի կեսերից ի վեր, հայտնում է Reuters-ը։

Նշվում է՝ երկրի բնակչությունը նախապատրաստվում է կորոնավիրուսի պանդեմիայի կապակցությամբ ընդունված սահմանափակումների թուլացմանը։

Երկրի Շտապ օգնության ծառայության ղեկավար Ֆերնանդո Սիմոնը մամուլի ասուլիսի ժամանակ տեղեկացրել էր, որ այսօր գրանցվել է 143 մահվան դեպք։ Ընդ որում՝ նախօրեին COVID-19-ի հետեւանքով զոհերի թիվը կազմել է 179 մարդ։

Ըստ նրա՝ Իսպանիայում շարունակվում է նոր տիպի կորոնավիրուսի հետեւանքով մահվան դեպքերի թվի նվազման միտումը։

Երկուշաբթվանից երկրի բնակչության շուրջ 51 տոկոսը կանցնի սահմանափակումները մեղմելու  քառաստիճան ծրագրի 1-ին փուլին։ Արդեն թույլատրվում են մինչեւ 10 հոգանոց հավաքները եւ հայրենի նահանգների սահմաններում ազատ տեղաշարժը։