Իտալիայում կորոնավիրուսից մահացության մեկօրյա ցուցանիշը նվազել է. ՌԻԱ «Նովոստի»

Իտալիայում կորոնավիրուսի հետևանքով զոհերի թիվը վերջին մեկ օրում ավելացել է 174-ով, ադպիսով ընդհանուր մահացության ցուցանիշը հասել է 28 884-ի. այս մասին հայտնում է ՌԻԱ «Նովոստի»-ն Քաղաքացիական պաշտպանության գործակալությանը հղումով. հայտնում է Yerkir.am-ը։

Մասնավորապես, մահվան նման ցածր ցուցանիշ վերջին անգամ գրանցվել էր մարտի կեսերին: Մարտի 14-ին մահվան 175 դեպք էր գրանցվել, մարտի 10-ին՝ 168: Ամենից շատ մահվան դեպք (969) 24 ժամում Իտալիայում գրանցվել էր մարտի 27-ին:

Նախօրեին երկրում մահվան ելքով 474 դեպք էր արձանագրվել, որը փոքր-ինչ բարձր էր շաբաթվա ընթացքում արձանագրված ցուցանիշներից: 

Հավելվում է նաև, որ կորոնավիրուսի բռնկման պահից ի վեր երկրում կորոնավիրուսով վարակվել է 210 717 մարդ, որոնցից 81 654-ն առողջացել են։