ՏԵՍԱՆՅՈՒԹ․ Տավուշում մարդն իջել է սարից՝ բան առնի, բռնել, վրան ակտ են գրել․ Սասուն Միքայելյան

Տավուշում մարդն իջել է սարից, ասում է՝ իջել եմ, բան առնեմ, Երևանից մարդիկ են եկել, բռնել, վրես ակտ են գրել՝ ըստ Yerkir.am-ի այսպիսի հարց ուղղեց ՀՀ վարչապետ Նիկոլ Փաշինյանին ԱԺ-ում «Իմ քայլի» պատգամավոր Սասուն Միքայելյանը։

Նա հետաքրքրվեց՝ ի՞նչ է լինելու այն մարդկանց հետ, որոնք վճարունակ չեն, բայց կորոնավիրուսի կանխարգելման սահմանափակումների շրջանում տուգանվել են:

«Հրազդանում էլ ա եղել, դա հետագայում ո՞նց պիտի լինի։ Նենց մարդիկ են, որ վճարունակ չեն», - հարցրեց Սասուն Միքայելյանը։

ՀՀ քաղաքացիները պարտավոր են ենթարկվել օրենքին, և օրենքի չիմացությունը չի ազատում քաղաքացուն պատասխանատվությունից՝ հակադարձեց Նիկոլ Փաշինյանը։

«Այն, որ այսօր կորոնավիրուսի ճգնաժամը չենք հաղթահարել, և մարդիկ շարունակում են վարակվել, նաև մեր սիրելի հայրենակիցների պատճառով է: Իրենք այդ սահմանափակումներին լուրջ չենք վերաբերվում, սա պրոբլեմ է»,-ասաց նա։

Փաշինյանը պարզաբանեց, որ իշխանության ուզածն այն չէ, որ մարդկանց տուգանեն, այլ այն, որ մարդիկ չհիվանդանան։

Մանրամասն՝ տեսանյութում․