Վերնաշապիկ է հագել, վրան գրել՝ «Ապագա կա», բայց գյուղերով շրջելիս խոսում է անցյալից․ Վահե Հակոբյան

«Վարչապետի աթոռը զբաղեցնողը վերնաշապիկ է հագել, վրան գրել՝ «Ապագա կա», բայց գյուղերով շրջելիս խոսում է անցյալից, ու ոչ թե իր, այլ մեր անցյալից։ Դու քո անցյալից խոսիր։ Ուրիշ ինչի՞ց պետք է խոսա․ որ պառակտե՞ց ազգը, տանուլ տվեց քովիդի դեմ պայքա՞րը, հրահրեց պատերազմ ու պարտվե՞ց, որ կորցրեցինք Արցախի մեծ մա՞սը»,- Վանաձորում «Հայաստան» դաշինքի հանրահավաքի ժամանակ ասաց «Վերածնվող Հայաստան» կուսակցության նախագահ Վահե Հակոբյանը։

«Առանց Արցախ մենք վիրավոր ենք, առանց Սյունիք՝ մահացած։ Մեր ազգը հոգնել է ստից ու սպառնալիքից, զրպարտությունից ու սպառնալիքներից։ Մենք գալիս ենք, որպեսզի մեր ազգին բերենք համերաշխություն, և այս բառի մեջ ամեն ինչ ընդգրկված է»,- նշեց Հակոբյանը։

«Հունիսի 20-ին մի մարդու պես գնում ենք ընտրության, Նիկոլի ականջներից բռնում ենք ու վռնդում մեր իրականությունից»,- կոչ արեց Հակոբյանը։

Մանրամասն՝ տեսանյութում։