Ադրբեջանում բազմաթիվ ակտիվիստների ու գործիչների սոցցանցերի հաշիվները հաքերային հարձակման են ենթարկվել

Անցած երկու շաբաթվա ընթացքում Ադրբեջանի մի շարք ակտիվիստներ, լրագրողներ և լրատվամիջոցներ կորցրել են իրենց սոցիալական լրատվամիջոցների հաշիվները: Նրանց ֆեյսբուքյան հաշիվները հաքերային հարձակման են ենթարկվել և ջնջվել։

Ավելի վաղ, գենդերային ակտիվիստ Գյուլնարա Մեհդիևան տուժել էր հունիսին, երբ հաշիվը կոտրվել էր և դարձել անհասանելի:

Անցած ամսում Ադրբեջանում ուժեղացել են կիբերհարձակումները կառավարության քննադատների դեմ: Տեղի փորձագետները նշում են կառավարության հնարավոր ներգրավվածությունը այդ հարձակումներին:

Լրագրող Այսել Ումուդովան, ինչպես նաև «Ազգային ճակատ» կուսակցության ակտիվիստների մի մեծ խումբ, նույնպես բողոքել են Facebook-ի իրենց հաշիվների՝ հաքերային հարձակման ենթարկվելու համար:

Միևնույն ժամանակ, քաղաքացիական հասարակության մի խումբ ներկայացուցիչներ, իրավապաշտպաններ և ակտիվիստներ նախաձեռնել են առցանց ստորագրահավաք՝ կոչ անելով Ադրբեջանի նախագահին ներում շնորհել որոշ բանտարկյալների։