Հարվարդի համալսարանը գումար է վերցրել դաշնային կառավարությունից և պետք է այն վերադարձնի. Թրամփ

ԱՄՆ նախագահ Դոնալդ Թրամփը հայտարարություն է տարածել առ այն, որ Հարվարդի համալսարանը «գումար է վերցրել» դաշնային կառավարությունից Փոքր բիզնեսի համար նախատեսված աշխատավարձների պաշտպանության ծրագրի շրջանակներում և ինքը կխնդրի հետ վճարել այդ գումարը. այս մասին գրում է Fox News-ը, հայտնում է Yerkir.am-ը։

Թրամփը, մասնավորապես, նշել է. «Հարվարդը պետք է վճարի գումարը: Նրանք չպետք է այն վերցնեին»,-ու հավելել.  «Ես չեմ պատրաստվում անուններ տալ, բայց երբ ես տեսա Հարվարդը, նրանք ստանում են երկրի ամենամեծ նվիրատվություններից մեկը եւ, հավանաբար` աշխարհի... Նրանք պետք է վճարեն այդ գումարը»։

Միևնույն ժամանակ Հարվարդի համալսարանը հերքում է՝ դիմել է կորոնավիրուսից տուժած փոքր բիզնեսի համար նախատեսված ֆինանսական աջակցության համար։ Բուհը նշել է, որ ֆինանսական միջոցները ստացել է առանձին հիմնադրամի շրջանակներում` ակադեմիական հաստատությունների համար CARES օրենքի համաձայն: