Ռուսաստանում մեկ օրում գրանցվել է կորոնավիրուսով վարակման 954 դեպք. ՏԱՍՍ

Ռուսաստանում մեկ օրում կորոնավիրուսով վարակման դեպքերն ավելացել են 954-ով և այժմ ՌԴ 80 շրջանում վարակման դեպքերի թիվը հասել է 6343-ի։ Այս մասին Yerkir.am-ը տեղեկանում է ՏԱՍՍ գործակալությունից։

ՌԴ նոր կորոնավիրուսային վարակի տարածման դեմ պայքարի օպերատիվ շտաբը հայտնում է, որ  այս պահի դրությամբ առողջացել է 406 մարդ, 47-ն էլ մահացել է։

«Մեկ օրում ապաքինվել է 51 մարդ՝ ապաքինվածների թիվը հասնելով 406-ի։ Մեկ օրում մահացել է երկու հիվանդ՝ Մոսկվայի մարզում և Կոմիի հանրապետությունում։ Այս ամբողջ ընթացքում մահացել է 47 մարդ», - հայտնում է օպերատիվ շտաբը։

Ըստ տվյալների՝ Մոսկվայում վարակվածների թիվը մեկ օրում կազմել է 591 դեպք։