ՏԵՍԱՆՅՈՒԹ․ Ապրիլյան քառօրյան տվեց հիմնական հարցի պատասխանը․ Նիկոլ Փաշինյան

Ապրիլյան քառօրյան տվեց հիմնական հարցի պատասխանը՝ անկախության սերունդը որքանո՞վ է պատրաստ պաշտպանելու հայրենիքի ինքնիշխանությունը՝ ըստ Yerkir.am-ի ասաց ՀՀ վարչապետ Նիկոլ Փաշինյանը՝ կառավարության նիստն սկսելով մեկ րոպե լռությամբ հարգանքով զոհված տղաների հիշատակը։

Նա արձանագրեց, որ մեր անկախության սերնդի տղաները դարձան սխրանքների հեղինակներ՝ պատասխանելով, որ հայ ժողովուրդը պետք է վստահ լինի՝ Արցախյան ազատամարտի առաջին սերնդի ներկայացուցիչներին եկել են փոխարինելու հայրենիքի նոր պաշտպաններ։

Փաշինյանը նաև Արցախի ժողովրդին շնորհավորեց համապետական ընտրությունների առիթով։

«Կարծում եմ, որ տեղի են ունեցել բարձր որակի ընտրություններ, ինչի մասին վկայում են արդյունքերը։ Նախագահական ընտրություններում առաջին փուլով հաղթելու համար Արայիկ Հարությունյանին չի հերիքել ընդամենը մի քանի հարյուր ձայն․ այս փաստն ինքնին խոսուն է։ Խոսուն է նաև մասնակցող ուժերի աննխադեպ մեծ թիվը և որ ընտրությունների արդյունքներով՝ երկրորդ և երրորդ տեղերը զբաղեցրել են ոչ թե իշխանական, այլ ընդդիմադիր ուժեր։

Մանրամասն՝ տեսանյութում․