Վերջին տարիներին ապրել եմ Երեւանից դուրս. Կարեն Կարապետյանը տվեց ամենաքննարկվող հարցի պատասխանը

Արդեն տեղեկացրել ենք, որ կառավարությունում ընթանում է վարչապետ Կարեն Կարապետյանի ասուլիսը: Yerkir.am-ի հարցին, թե վերջին 4 տարում մշտական բնակվե՞լ է Երեւանում, եւ ինչպիսի՞ն է լինելու իր դերը ՀՀԿ քարոզարշավի ժամանակ, Կարեն Կարապետյանը պատասխանեց իրեն բնորոշ ոճով:

«Ինչպե՞ս եմ քարոզելու: Իմ աշխատանքով: Վերջին տարիներին Հայաստանի Հանրապետության քաղաքացի եմ, ապրել եմ Երեւանից դուրս»,- ասաց նա:

Հիշեցնենք, որ նախընտրական ցուցակում հայտնվելու համար պատգամավորի թեկնածուն պետք է վերջին 4 տարում մշտական բնակված լինի Հայաստանում:

Մեր` վերը նշված պահանջին վերաբերող դիտարկմանը վարչապետն արձագանքեց, որ չգիտի հարցի պատասխանը: «Եթե չեմ համապատասխանում այդ պահանջին, ցուցակում չեմ լինի»,- հայտարարեց նա: