Ռուսաստանն արգելել է երկրից բժշկական դիմակների ու բախիլների արտահանումը

Ռուսաստանի Դաշնության կառավարությունը ժամանակավորապես արգելել է երկրից բժշկական ապրանքների արտահանումը. այս մասին հրամանը հրապարակվել է գործադիրի պաշտոնական կայքում. հայտնում է Yerkir.am-ը:

Նշվում է՝ հրամանը տարածվում է բժշկական պաշտպանիչ դիմակների, որոշ ախտահանող և հակավիրուսային միջոցների, պաշտպանիչ ռեսպիրատորների, բախիլների ու մի քանի այլ բժշկական նշանակություն ու կիրառելիություն ունեցող ապրանքների վրա:

Միևնույն ժամանակ արգելքը չի վերաբերում մարդասիրական օգնությանը և քաղաքացիների կողմից մեկանգամյա և անձնական օգտագործման ապրանքները երկրից դուրս բերելուն:

Արգելքը վավեր է մինչև սույն թվականի հունիսի 1-ը:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին:

Մարտի 4-ի ժամը 14.03-ի դրությամբ՝ ՌԴ-ում գրանցվել է կորոնավիրուսի տարածման 3 դեպք, որոնցից 2-ը՝ առողջացաման: