ԵԱՏՄ-ում անտարբերություն է տիրում, ամեն ինչի վրա թքած ունեն. Լուկաշենկո

ԵԱՏՄ-ում անտարբերություն է տիրում, ամեն ինչի վրա թքած ունեն. ըստ yerkir.am-ի՝ հայտարարել է Բելառուսի նախագահ Ալեքսանդր Լուկաշենկոն Եվրասիական տնտեսական հանձնաժողովի նախագահ Միխայիլ Մյասնիկովիչի հետ հանդիպման ժամանակ:

«Այն ազատությունները, որ մենք ժամանակին հռչակում էինք, այսօր գործնականում չկան: Կամ կան, մեղմ ասած՝ ոչ ամբողջ ծավալով: Օրինակ՝ ապրանքների, ծառայությունների, աշխատուժի և կապիտալի ազատ տեղաշարժը: Դա մեր միության շինարարության հիմքն է: Մենք մինչ օրս դա չունենք: Եվ գիտե՞ք՝ ինչու: Թքած ունեն, և դա հիմնված է առանձին պետությունների անտարբերության վրա»,- Բելառուսի նախագահին մեջբերում է ԲԵԼՏԱ գործակալությունը:

Լուկաշենկոն հավելել է, որ որոշ պետություններ «իրենց տեսնում են այլ միություններում, պարզապես ոտքը կախ են գցել ԵԱՏՄ-ում և սպասում են հարմար պահի, որ այնտեղից դուրս թռչեն»: