Ադրբեջանական ընդդիմությունը հանրահավաք է հրավիրել փետրվարի 16-ին

Ադրբեջանական ընդդիմադիր «Մուսավաթ», «ՌԵԱԼ» կուսակցությունները, «Դ18» շարժումը և մի շարք անկախ պատգամավորության թեկնածուներ տեղեկացրել են Բաքվի քաղաքապետարանին փետրվարի 9-ին տեղի ունեցած խորհրդարանական ընտրությունները կեղծելու դեմ ցույց կազմակերպելու մտադրության մասին: Այս մասին, ըստ Yerkir.am-ի, ֆեյսբուքյան իր էջում հայտնել է Մուսավաթ կուսակցության առաջնորդ Արիֆ Գաջիլին:

Հանրահավաքը նախատեսվում է իրականացնել փետրվարի 16-ին ժամը 15.00-17:00-ին՝ «Մայիսի 28» մետրոյի կայարանի դիմաց:

Հիշեցնենք, որ տեղի ունեցած արտահերթ խորհրդարանական ընտրություններն անցել են կոպտագույն խախտումներով, որը քննադատության է արժանացել նաև եվրոպական կառույցների կողմից: