ՏԵՍԱՆՅՈՒԹ․ Երիտասարդ մանկավարժների զգալի պակաս կա Ջավախքում․ Շիրակ Թորոսյան

ՀՀ կառավարությունը պետք է ավելացնի Ջավախքի համար նախատեսված հայագիտական-մանկավարժական մասնագիտությունների համար պետպատվերի քանակը՝ 70 տեղը շատ քիչ է՝ ըստ Yerkir.am-ի ասաց ՀՀ ԱԺ պատգամավոր Շիրակ Թորոսյանը ԱԺ հայտարարությունների ժամին։

Նա փոխանցեց Ջավախքի հայերի ահազանգը, որ երիտասարդ մանկավարժական կադրերի զգալի պակաս կա Ջավախքում, մանկավարժների միջին տարիքը որոշ դպրոցներում 50-ից բարձր է։

Եվս մեկ խնդիր է պետպատվերով սովորած շրջանավարտների վերադարձը հայրենի եզերք։

«Ուրեմն, պետք է գործենք շատ հստակ ու կոնկրետ․ տեղերը պետք է ավելացնենք, իսկ Ջավախքի տեղական իշխանությունները և հանրությունը պետք է առաջարկեն կոնկերտ երիտասարադների, ովքեր կստանձնեն պարտավորություն՝ կրթություն ստանալուց հետո վերադառնալ և աշխատել Ջավախքում, իսկ տեղի իշխանությունները պետք է պարտավորվեն նրանց ապահովել աշխատանքով։ Իսկ եթե դա վեր կլինի նրանց ուժերից, այս հարցը պետք է տեղ գտնի հայ-վրացական միջպետական օրակարգում»,-ասաց Շիրակ Թորոսյանը։

Նա դիմեց Հայաստանի և Վրաստանի պատկան մարմիներին, որ Ջավախքի հայապահպանության խնդրին էականորեն նպաստող այս կարևոր հարցը ներառեն միջպետական հարաբերությունների երկկողմ օրակարգ։

Շիրակ Թորոսյանը նաև հիշեցրեց, որ Սփյուռքի գործերով հատուկ հանձնակատար Զարեհ Սինանյանն այցելել է Ջավախք և լսել ջավախահայերի բազմաթիվ խնդիրների մասին՝ սոցիալ-տնտեսականից մինչև կրթամշակութային։

Մանրամասն՝ տեսանյութում․