Պարոն վարչապետ, եթէ գիտնայիք «արգահատանք» բառին իմաստը, այսպէս պիտի չգրէիք. Վաչե Բրուտյան

««Նման պահվածքը պետք է արժանանա համազգային արգահատանքի» (Նիկոլ Փաշինեան, ՀՀ վարչապետ)

Ծանօթ էք պատմութեան. Քարվաճառի մէջ ՀՀ վարչապետը ճաշած է ու իրեն ՀԴՄ կտրօն չեն տուած։ Զայրացած է վարչապետը, հեռաձայնած է Արցախի պետական համապատասխան օղակին, որ տուգանեն ճաշարանին տէրը։ Նաեւ կոչ ուղղած է բոլորին, որ այս ձեւով վարուին... աւելցնելով, որ ճաշարանատիրոջ «նման պահուածքը պէտք է արժանանայ համազգային արգահատանքի»։

Մանր ճշդում մը.- Պարոն վարչապետ, եթէ գիտնայիք «արգահատանք» բառին իմաստը, այսպէս պիտի չգրէիք։ Որովհետեւ «արգահատանք» կը նշանակէ գութ, կարեկցանք, ու ոչ թէ զայրոյթ, դատապարտում, պարսաւանք, կամ նման բան մը, որ բնականաբար ձեր մտքինն էր, եւ վստահաբար այդ էր ձեր «դուխով» ըսել ուզածը...