Գերիների փոխանակման հարցում նորություն չկա. Զոհրաբ Մնացականյան

Քիչ առաջ ավարտվեց ԱԳ նախարար Զոհրաբ Մնացականյանի և ԱԺ «Իմ քայլը» խմբակցության ներկայացուցիչների փակ հանդիպում-քննարկումը, տեղեկացնում է Yerkir.am-ը։ 

Հայ-ռուսական հարաբերություններն ունեն բավական ամուր հիմքեր, լրագրողների հետ ճեպազրույցում ասաց ԱԳ նախարար՝ Ռուսաստանում կառավարության փոփոխությունը կարող է որևէ ազդեցություն ունենալ հայ-ռուսական հարաբերությունների վրա՝ հարցին ի պատասխան։

«Հայ-ռուսական հարաբերություններն ունեն բավական ամուր հիմքեր, բավական հարուստ օրակարգ, բոլոր ձևաչափերի մեջ մեր աշխատանքները էֆեկտիվ են և շատ ակտիվ»,-ասաց նա։

Անդրադառնալով գերիների փոխանակման հարցին, Զոհրաբ Մնացականյանը փաստեց, որ այդ հարցը իր համար չափազանց զգայուն է. «Ինձ համար չափազանց զգայուն է և վատ եմ ընդունում այս իրավիճակը, որ ունենք, բայց դժբախտաբար այս պահի դրությամբ դեռ բան չունեմ ասելու»։