Ռուսաստանը կոչ է արել Թուրքիային կիրառել Իդլիբի վերաբերյալ ձեռք բերված Սոչիի հուշագիրը

Մոսկվան կոչ է անում Անկարային ակտիվացնել Իդլիբի վերաբերյալ ձեռք բերբած հուշագրի կատարումը, մասնավորապես ապառազմականացված գոտու ստեղծման և ահաբեկիչներին ընդդիմադիր ուժերից առանձնացման մասով. այս մասին, ըստ Yerkir.am-ի, հայտնել է ՌԴ ԱԳՆ պաշտոնական ներկայացուցիչ Մարիա Զախարովան:

«Ակնհայտ է, որ չի կարելի անվերջ հաշտվել ահաբեկիչների հետ Իդլիբում: Այդ ուղղությամբ Ռուսաստանը հանդես է գալիս 2018 թ. սեպտեմբերի 17-ին Սոչիում Իդլիբի վերաբերյալ ձեռք բերված հուշագրի ի կատար ածմամբ», - Զախարովայի խոսքերն է մեջբերում «ՌԻԱ Նովոստին»:

Երեքշաբթի սիրիական կառավարական ուժերը հայտնել էին Իդլիբի նահանգում ավելի քան 40 գյուղի ազատագրման մասին և կոչ է արել խաղաղ բնակիչներին լքել այն բնակավայրերը, որոնք պահվում են զինյալների կողմից: