Վրաստանի ընդդիմությունը դարձյալ կփորձի խոչընդոտել խորհրդարանի աշխատանքին

Վրաստանի ընդդիմությանը հայտարարություն է տարածել, որի համաձայն՝ նոյեմբերի 25-ի երեկոյան՝ ժամը 19:00-ին, ևս մեկ բողոքի ակցիա կկազմակերպի Թբիլիսիի Հանրապետության հրապարակում. ըստ Yerkir.am-ի՝ հայտնում է Sputnik Georgia-ն:

Ընդդիմության ներկայացուցիչների տեղեկություններով՝ ակցիայի մասնակիցները կշարժվեն դեպի խորհրդարան և կփակեն շենքի մուտքերը, որպեսզի իշխող «Վրացական երազանք» կուսակցության ներկայացուցիչները չկարողանան նիստ անցկացնել:

Վրաստանի ընդդիմությունը հայտնել է, որ բողոքի ակցիայի մասնակիցների մի մասը գիշերը կանցկացնի խորհրդարանի շենքի առջև, իսկ ցույցերը կշարունակվեն այնքան ժամանակ, մինչև իշխանությունները չկատարեն իրենց պահանջները:

Yerkir.am-ն ավելի վաղ տեղեկացրել էր, որ Վրաստանում բողոքի ակցիաները սկսվել են նոյեմբերի 14-ին, երբ իշխող կուսակցության պատգամավորները մերժեցին համամասնական ընտրակարգի անցնելու վերաբերյալ սահմանադրական փոփոխությունները:

Բողոքի ակցիայի մասնակիցները պահանջում են արտահերթ խորհրդարանական ընտրությունների անցկացում համամասնական ընտրակարգով: