Գեղամա լեռներում կորած երկու արշավականներին գտել են. ուղղաթիռը նրանց հասցրել է Երեւան

Գեղամա լեռներում նախօեին կորած քաղաքացիներն հայտնաբերվել են. Yerkir.am-ին հատնում են ԱԻՆ-ից:

Ժամը 09:30-ի սահմաններում որոնողական աշխատանքներին օժանդակելու նպատակով փրկարարական աշխատանքներին ներգրավվել է նաև ուղղաթիռ:

Ժամը 09:40-ի դրությամբ հաջողվել է կապ հաստատել կորած քաղաքացիների հետ. նրանց հավանական գտնվելու վայրը համարվում է Աժդահակ և Սպիտակասար լեռների միջնամասը:

Որոնողական աշխատանքների իրականացման ընթացքը գտնվում է ԱԻ նախարար Ֆելիքս Ցոլակյանի անմիջական հսկողության ներքո:

Որոշ ժամանակ անց քաղաքացիներին գտել են և արդեն ուղղաթիռով հասցրել են Երևան:

Գեղամ Օհանյանը քիչ առաջ իր ֆեյսբուքյան էջում դեպքի առնչությամբ գրառում է կատարել:

Նա, մասնավորապես, նշել է.

«Ժող ջան մենք լավ ենք, արդեն Երևանում ենք, ԱԻՆ-ի ու տղերքի օգնությամբ։ Կներեք անհանգստության համար...»:

Yerkir.am-ն ավելի վաղ տեղեկացրել էր, որ Գեղամա լեռներում կորել է ակտիվիստ, «Խարույկ» արշավական ակումբի ղեկավար Գեղամ Օհանյանը: Օհանյանն ու նրա ուղեկիցները մեքենայով են եղել, ցանկացել են Գեղարդից Գեղամա լեռներով հասնել Մարտունի։