ԱՄՆ-ի և ԿԺԴՀ-ի նոր գագաթնաժողովն անհնար է առանց երկու երկրների երկխոսության. Սեուլ

ԿԺԴՀ-ԱՄՆ երրորդ գագաթնաժողովը հնարավոր է միայն երկու երկրների միջև երկխոսության հաջող զարգացման պարագայում. ըստ Yerkir.am-ի՝ հայտնում է ՏԱՍՍ-ը՝  Կորեայի Հանրապետության նախագահի՝ ազգային անվտանգության հարցերով խորհրդական Չոն Իյ Յոնի խոսքերին հղումով: 

Նրա պնդմամբ՝ ԱՄՆ-ի և ԿԺԴՀ-ի ղեկավարների նոր հանդիպում «հնարավոր է միայն աշխատանքային մակարդակում երկխոսության շարունակման պարագայում»:

Պաշտոնյան մանրամասնել Է նաև, որ Սեուլը «սերտորեն համագործակցում է ԱՄՆ-ի հետ՝ ԿԺԴՀ-ի հետ շփումներում շուտափույթ առաջընթացի հասնելու համար»:

Սեպտեմբերին ԱՄՆ նախագահ Դոնալդ Թրամփը հայտարարություն էր տարածել, որ նախատեսում է ԿԺԴՀ առաջնորդ Կիմ Չեն Ընի հետ հանդիպել մինչև այս տարեվերջ,  ու նշել, որ Փհենյանում գագաթնաժողով անցկացնելը վաղաժամ որոշում կլիներ:

Հիշեցում

ԱՄՆ-ի և ԿԺԴՀ-ի առաջին գագաթնաժողովն անցկացվել է 2018 թվականի հունիսին Սինգապուրում, իսկ 2019 թվականի փետրվարին Հանոյում կայացած երկրորդ գագաթնաժողովն անարդյունավետ է ավարտվել: Միևնույն ժամանակ Թրամփը և Կիմ Չեն Ընը կարճ հանդիպում են անցկացրել Կորեայի Հանրապետության և ԿԺԴՀ-ի սահմանի Փանմունջոմ տեղանքում 2019 թվականի հունիսի 30-ին: