ՌԴ-ն լրացուցիչ 300 մարդ և 20 զրահամեքենա է ուղարկել Սիրիայի հյուսիս՝ պարեկության

Ռուսաստանը լրացուցիչ 300 մարդ և 20 զրահամեքենա է ուղարկել Սիրիայի հյուսիս, որտեղ ռազմական ոստիկանությունը թուրքական կողմի հետ համատեղ պետք է սկսի սահմանամերձ շրջաններում պարեկությունը. հայտնում է ՌԻԱ «Նովոստի»-ն:

Ամեն օր ռուսաստանցի ոստիկանները կանցնեն ոչ պակաս, քան տասը բնակավայրով: Այս պահին նախագծվում են համատեղ վերահսկողության ուղիները:

Նախատեսված վայրերում ռուսական «Տիգր» զրահամեքենան կդիմավորի թուրքական շարասյունը, որից հետո կսկսվի պարեկությունը: Պարեկային հինգ ժամվա ընթացքում պետք է հաղթահարել մոտ 150 կիլոմետր:

Ռուս-թուրքական պարեկության մեկնարկը ծրագրված է ուրբաթ:

Հիշեցնենք, որ հոկտեմբերի 9-ին Էրդողանը հայտարարել էր Սիրիայի հյուսիսում «Խաղաղության ակունք» ռազմական գործողության մեկնարկի մասին: