Ակնայի շրջանում ականի վրա ադրբեջանցի գեներալի զրահամեքենա է պայթել

Ադրբեջանի զինված ուժերի 1-ին բանակային կորպուսի հրամանատար, գեներալ-մայոր Հիքմեթ Հասանովը Արցախից օկուպացված Շուշի քաղաքում Իլհամ Ալիևի հետ հանդիպմանը ներկա չի եղել այն պատճառով, որ բուժվում է ականի պայթյունից ստացած վնասվածքի հետևանքով. հաղորդում են ադրբեջանական լրատվամիջոցները։

Լրագրողներին ինքը՝ Հասանովը, ասել է, որ իր զրահամեքենան ականի վրա պայթել է եռակողմ հրադադարի մասին հայտարարության ստորագրումից հետո, որով Ակնա քաղաքն անցել է Ադրբեջանի վերահսկողության տակ։ Մինչ այժմ նա դեռ բուժվում է։

Հիշեցնենք, որ Ալիևը Թուրքիայի պաշտպանության նախարարության ղեկավար Հուլուսի Աքարի հետ ժամանել էր Շուշի քաղաքի օկուպացիայի օրը՝ 2021 թվականի նոյեմբերի 8-ին։ Նրանց այնտեղ գտնվելու ընթացքում քաղաքի մոտ սպանվել է Արցախի խաղաղ բնակիչ։