Այս նախագիծը չի բխում մեր շահերից. մտավորականները՝ բուհերում հայոց լեզվի և պատմության դասավանդումն այլևս պարտադիր չլինելու մասին

Այնպիսի առարկաներ են հանում, որոնք բոլորն էլ սկսվում են «հայ»-ով: Այս մասին այսօր տեղի ունեցած քննարկման ժամանակ ասաց հրապարակախոս Մերուժան Տեր-Գուլանյանը՝ անդրադառնալով տեղեկությանը, որ ՀՀ կրթության, գիտության, մշակույթի և սպորտի հարցերի նախարարության որոշմամբ բուհերում հայոց լեզու, հայ գրականություն և հայոց պատմություն առարկաների դասավանդումն այլևս պարտադիր չի լինի:

Գրականագետ Դավիթ Գասպարյանն էլ կարծիք հայտենց, որ եթե այսպիսի նախագիծ մշակվեր ԽՍՀՄ-ի ժամանակ, կասեինք, որ  Մոսկվան ճնշում է պետությունների ազգային արժեքները, բայց հիմա մենք ենք մեր գլխի տերը և մեր ձեռքով փակում ենք մի ճանապարհ, որն անհրաժեշտ է լիարժեք մասնագետ պատրաստելու գործում:

Բանախոսները նշեցին՝  այս նախագիծը չի բխում հայ ժողովրդի շահերից:

Yerkir.am-ը քննարկմանը մանրամասն կանդրադառնա ավելի ուշ: