Շատ ընկերներ տարակուսում են, թե ոնց կարող է սպիտակած մազերով, պատկառելի տարիքի տղամարդը, իրեն նման բան թույլ տալ. Աղասի Մանուկյանը՝ Անդրանիկ Քոչարյանի մասին

«Շատ ընկերներ տարակուսում են, թե ոնց կարող է սպիտակած մազերով, պատկառելի տարիքի տղամարդը, իրեն նման բան թույլ տալ: Ասեմ, որ եթե 1990-ականների սկզբին ապրեիք Գյումրիում, որտեղ Անդրանիկ Քոչարյանը մարզպետ էր, նման հարց չէր առաջանա: Գնացեք Գյումրի, հարցուփորձ արեք մարդկանց, իր հասցեին ասված լիքը նոր բառակապակցություններ եւ դարձվածքներ կսովորեք»։

Հիշեցնենք, ավելի վաղ ԶԼՄ-ներից մեկին տված հարցազրույցներից մեկում ՀՀ ԱԺ պատգամավորը, անդրադառնալով նախկին արդարադատության նախարար Արփինե Հովհաննիսյանի արտահայտությանը՝ ներկայիս իշխանությունն իրավական առումով տապալել է «Մարտի 1»-ի գործը, ասել էր. «Արփինե Հովհաննիսյանը՝ լինելով արդարադատության նախկին նախարար, փոխանակ իր հնարավորությունները կամ ռեսուրսները ներդնի իր՝ Հայաստանից փախած թիմակիցներին Հայաստան վերադարձնելու ուղղությամբ, նա զբաղված է անհեթեթ, չփաստարկված հայտարարություններ աջ ու ձախ տարածելով», ապա թե՝ «Արփինե Հովհաննիսյանը պետք է խոսի փաստերով, իսկ պայմանական կարող է տալ իր մայրիկի և անհայտ հայրիկի անունները»։

Սուրեն Աղասի Մանուկյանի ֆեյսբուքյան էջից