Բակո Սահակյանն ընդունել է «Հայոց պետականության անցյալը, ներկան ու ապագան» գիտաժողովի մասնակիցներին

Արցախի Հանրապետության նախագահ Բակո Սահակյանը սեպտեմբերի 13-ին ընդունել է «Հայոց պետականության անցյալը, ներկան ու ապագան» միջազգային երիտասարդական 4-րդ գիտաժողովի մի խումբ մասնակիցների:

Այս մասին Yerkir.am-ին հայտնում են Արցախի Հանրապետության Նախագահի աշխատակազմի տեղեկատվության գլխավոր վարչությունից, Նախագահը գոհունակությամբ նշել է, որ գիտաժողովի անցկացումն Արցախում դարձել է ավանդական և իր ներդրումն ունի հայոց պետականության ու նրա արցախյան հատվածի պատմության եւ արդի զարգացումների ուսումնասիրման գործում:

Հանդիպմանն արծարծվել են նաև արտաքին ու ներքին քաղաքականությանը և տարածաշրջանային խնդիրներին վերաբերող մի շարք հարցեր: