Օձուն. անցյալը և ներկան

Այսօր Հայաստանի ազգային գրադարանում կազմակերպվել էր «Օձուն. անցյալը և ներկան» խորագրով միջոցառում՝ նվիրված Օձունի եկեղեցու կառուցման 1275-ամյակին: Մասնակցում էին մտավորականներ, հոգեւոր այրեր: Գրադարանի ցուցափեղկերում ներկայացված էին Օձունի եկեղեցուն նվիրված գրքեր, թերթեր, տարբեր հանդեսներում տպագրված հոդվածներ, ցուցադրվեց տեսանյութ՝ Օձունի եկեղեցուն նվիրված: 

Օձունի  եկեղեցին հայկական հնագույն եկեղեցիներից է: Երբեք չի խոնարհվել, գործել է միշտ: 735թ. եկեղեցին կառուցել է Հովհան Օձնեցին: Եկեղեցին այսօր էլ գործում է, բայց վերանորոգման իր հերթին է սպասում: 1938-ին նորոգվել է եկեղեցու արտաքին սրահի որոշ մասը: 1949-1950թթ. ամբողջությամբ քանդվել և վերաշինվել է սրահի պատը, ամրացվել կամարաշարը: Վերջին անգամ եկեղեցում նորոգման աշխատանքներ են կատարվել 1977-ին: Օձունի եկեղեցին այսօր էլ ունի նորոգման կարիք: