Տաջիկստանի և Ղրղզստանի սահմանին դարձյալ կրակոցներ են հնչել. կա մեկ վիրավոր

Տաջիկստանի և Ղրղզստանի սահմանին իրավիճակը շարունակում է լարված մնալ.  հնչել են նոր կրակոցներ, վիրավորվել է մեկ ղրղզ սահմանապահ. հայտնում է РИА Новости-ն: Կրակոցները հնչել Տաջիկստանի կողմից:

Հիշեցնենք, որ երեկ երկու պետությունների սահմանին կոնֆլիկտ է տեղի ունեցել: Միջադեպի պատճառը եղել է Վորուխ գյուղ մտնելիս տեղադրված ցուցանակը. ղրղզական Ակսայ գյուղի բնակիչները դեմ են եղել դրա տեղադրմանը: 

Այդ ամենի հետևանքով վեճ է տեղի ունեցել, և կողմերից մեկը որսորդական զենքով կրակել է: Գրանցվել է մեկ զոհ, 20 վիրավոր:

Սահմանի այս հատվածում հաճախ են ընդհարումներ լինում, քանի որ կան վայրեր, որտեղ 2 երկրների սահմանները հստակ առանձնացված չեն: