Թուրքիայի հեռացումը Ֆ-35-ների ծրագրից բացասական կանդրադառնա ՆԱՏՕ-ի վրա. Թուրքիայի ՊՆ ղեկավար

Թուրքիայի դուրս մղումը Ֆ-35 կործանիչների արտադրման ծրագրից բացասական կանդրադառնա ՆԱՏՕ-ի ներուժի վրա, մասնավորապես` նրա հարավային սահմաններում: Այս մասին հայտարարել է Թուրքիայի պաշտպանության նախարար Հուլուսի Աքարը:

«Մեր երկրին այդ ծրագրից դուրս թողնելու միակողմանի որոշումը անարդար և անօրինական է: Առաջարկել ԱՄՆ-ին` զերծ մնալ երկկողմ հարաբերություններին վնասող քայլերից, մեր լիարժեք իրավունքն է»,- հավելել է նա:

ԱՄՆ-ը չորեքշաբթի հայտարարել էր Թուրքիային նորագույն Ֆ-35 տեսակի կործանիչների ծրագրից հեռացնելու մասին,  երբ սկսվել էր ռուսական Ս-400 ՀՕՊ համակարգերի մատակարարումը: Թուրքիան այդ ծրագրի գլխավոր գործընկերներից էր և, ըստ Էրդողանի, այդ ծրագրի կյանքի կոչման համար ներդրել էր 1.5 մլրդ ԱՄՆ դոլար: Թուրքիայի մասնակցության ամբողջական դադարեցումը կավարտվի 2020 թ. մարտին. հաղորդում է ntv.com.tr կայքը: